Mittit ad virginem non quemvis angelum

Mittit ad virginem non quemvis angelum sed fortitudinem suam archangelum amator hominis Fortem expediat pro nobis nuntium naturae faciat ut praejudicium in partu virginis Naturam superet natus rex gloriae regnat et imperet et zyma scoriae tollat de medio Superbientium terat fastidia colla sublimium calcet vi propria potens in proelio Foras ejiciat mundanum principem matrem que faciat secum participem patris imperii Exi qui mitteris haec dona discere revela veteris velamen litterae virtute nuntii Accede nuntia dic ave cominus dic plena gratia dic tecum Dominus et dic ne timeas Virgo suscipias dei depositum in quo perficias castum propositum et votum teneas Audit et suscipit puella nuntium credit et concipit et parit filium sed admirabilem Consiliarium humani generis et deum fortium et patrem posteris in fine stabilem Qui nobis tribuat peccati veniam reatus diluat et donet patriam in arce siderum amen