Congaudentes exsultemus vocali concordia Ad beati

Congaudentes exsultemus vocali concordia Ad beati Nicolai votiva sollemnia Qui in cunis adhuc jacens servando jejunia Ad papillas caepit summa promereri gaudia Adolescens amplexatur literarum studia Alienus et immunis ab omni lascivia Felix confessor cujus fuit dignitatis vox de caelo nuntia Per quam provectus praesulatus sublimatur ad summa fastigia Erat in ejus animo pietas eximia et oppressis impendebat multa beneficia Auro per eum virginum tollitur infamia atque patris earundem levatur inopia Quidam nautae navigantes et contra fluctuum saevitiam luctantes navi paene dissoluta Jam de vita desperantes in tanto positi periculo clamantes voce dicunt omnes una O beate Nicolae nos ad portum maris trahe de mortis angustia Trahe nos ad portum maris tu qui tot auxiliaris pietatis gratia Dum clamarent nec incassum ecce quidam dicens assum ad vestra praesidia Statim aura datur grata et tempestas fit sedata quieverunt maria Ex ipsius tumba manat unctionis copia Quae infirmos omnes sanat per ejus suffragia Gloriosae Nicolae ad salutis portum trahe ubi pax et gloria Nos qui sumus in hoc mundo vitiorum in profundo jam passi naufragia Ipsam nobis unctionem impetres ad Domino prece pia Qua sanavit laesionem multorum peccaminum in Maria Hujus festum celebrantes gaudeant per saecula Et corones eos Christus post vitae curricula