Exsultet jam angelica turba caelorum exsultent

Folio: 
034r
Sequence: 
4
Office: 
X
Genre: 
Cantus ID: 
850202
Full text: 
Exsultet jam angelica turba caelorum exsultent divina mysteria et pro tanti regis victoria tuba insonet salutaris | Gaudeat et tellus tantis irradiatam fulgoribus et aeterni regis splendore illustratam totius orbis se sentiat amisisse caliginem | Laetetur et mater ecclesia tanti luminis adornata fulgoribus et magnis populorum vocibus haec aula resultet | Quapropter astantes vos fratres carissimi ad tam miram sancti hujus luminis claritatem una quaeso mecum dei omnipotentis misericordiam invocate ut qui me non meis meritis intra levitarum numerum dignatus est aggregare | luminis sui gratiam infundendo cerei hujus laudem implere perficiat | Jesus Christus dominus ut qui cum patre et spiritu sancto vivit et regnat deus | Per omnia saecula saeculorum Amen | Dominus vobiscum | Sursum corda | Gratias agamus Domino Deo nostro | Vere dignum et justum est invisibilem deum patrem omnipotentem filiumque ejus unigenitum dominum nostrum Jesum Christum sanctum quocumque spiritum toto cordis ac mentis affectu et vocis ministerio personare | qui pro nobis aeterno patri Adae debitum solvit et veteris piaculi cautionem pio cruore detersit | Haec sunt enim festa paschalia in quibus verus ille agnus occiditur cujus sanguine postes consecrantur | Haec nox est in qua primum patres nostros filios Israel eduxisti domine de Aegypto quos postea rubrum mare sicco vestigio transire fecisti | Haec igitur nox est quae peccatorum tenebras columnae illuminatione purgavit | Haec nox est quae hodie per universum mundum in Christo credentes a vitiis saeculi segregatos et caligine peccatorum reddit gratiae sociat que sanctitati | Haec nox est in qua destructis vinculis mortis Christus ab inferis victor ascendit | Nihil enim nobis nasci profvit si non redimi profvisset | A mira circa nos tuae pietatis dignatio | O inaestimabilis dilectio caritatis ut servum redimeres filium tradidisti | O beata nox quae sola meruit scire tempus et horam in qua Christus ab inferis resurrexit | Haec nox est de qua scriptum est hec nox ut dies illuminabitur et nox illuminatio mea in deliciis meis |Hujus igitur sanctificatio noctis fugat scelera culpas lavat et reddit innocentiam lapsis maestis laetitiam | Fugat odia concordiam parat et curvat imperia in hujus igitur noctis gratia suscipe sancte pater incensi hujus sacrifícium vespertinum quod tibi in hac cerei huius oblatione sollemni per ministrorum manus de operibus apum sacrosancta reddit ecclesia | Sed jam columnae hujus praeconia novimus quam in honore dei rutilans ignis ascendat | Qui licet divisus in partes mutuati luminis detrimenta non novit | Alitur liquantibus ceris quam in substantiam pretiosae hujus lampadis apis mater produxit | O vere beata nox quae expoliavit Aegyptios ditavit Hebraeos | Nox in qua terrenis caelestia humanis divina junguntur | Oramus ergo te domine ut cereus iste in honorem nominis tui consecratus ad noctis hujus caliginem destruendam indeficiens perseveret | In odorem suavitatis accensus supernis luminaribus misceatur | Flammas ejus lucifer matutinus inveniat | Ille inquam lucifer qui nescit occasum | Ille qui regressus ab inferis humano generi serenus illuxit | Praecamur ergo te domine ut nos famulos tuos omnem clerum et devotissimum populum una cum beatissimo papa nostro N. et serenissimo privare nostro N. xxx et antistite nostro N. quiete temporum concessa in his paschalibus gaudus conservare digneris | Per dominum nostrum Jesum Christum filium tuum qui tecum vivit et regnat deus in unitate spiritus sancti per omnia saecula saeculorum

List of concordances