Justorum animae in manu Dei sunt,

Folio: 
025r
Sequence: 
1
Genre: 
Full text: 
Justorum animae in manu Dei sunt, et non tangent illos tormentum malitiae. Visi sunt oculis insipientium mori, et aestimata est afflictio exitus illorum, et quod a nobis est iter exterminium; illi autem sunt in pace; et si coram hominibus tormenta passi sunt, spes illorum immortalitate plena est. In paucis vexati sunt in multis bene disponentur, quoniam Deus tentavit eos, et invenit illos dignos se. Tamquam aurum in fornace probavit illos, et quasi holocausti hostiam accepit illos, et in tempore erit respectus illorum. Fulgebunt justi et tamquam scintillae in arundineto discurrent. Judicabunt nationes, et dominabuntur populis, et regnabit Dominus illorum in perpetuum. Gloria patri et filio.

List of concordances